الاعمال بالنيات

النية هي اهم جزء في اي عمل هي اللي بتحدد اذا كان عملك صح ولا هباءا منثورا “انما الاعمال بالنيات” والنية مش في العبادة بس في كل حاجه في شغلك في اهلك في دراستك حتى في الهزار “قل ان صلاتي ونسكي ومحياي ومماتي لله رب العالمين”
في الحديث المشهور الرسول ضرب مثال لعمل هو من اشرف الاعمال في الاسلام ووضح كيف ان نفس العمل تغيره النية من لله ولرسوله الى لدينيا او امرأة
خلاصة الموضوع النية مش هزار النية هي اللي هدخلك الجنة او النار
والنية هي الغاية من اي عمل يعني انت بتصلي ليه تقربا الى الله ولا اهو كده وخلاص اتعودت لما تسمع الاذان تقوم تصلي بدون اي توجه او يمكن احراج عشان كل اللي حواليك بيصلوا فمش عايز يبقى شكلك نشاز كل دي نوايا، واحدة بس منهم تدخل الجنة والباقيين ربنا يسلم
محدش معصوم انه يقع في النوايا الفاسدة المهم ان تري الله في نفسك خيرا وجهدا على تحري الحق والاخلاص
لكن الاستسهال وانك ترميها ف رقبة عالم استحالة تطلعك سالم

Leave a Reply